AKHRISO: Xildhibaanada Baarlamaanka oo dalka ka Mamnuucay DP World

Xildhibaanada Golaha shacabka ee Baarlamaanka Federaalka ayaa isku raacay xeer dalka looga mamnuucayo Shirkadda DP World, kaddib markii ay si bareer ah uga soo xadgudubtay madax banaanida iyo Midnimada Soomaaliya.

Kulan Xildhibaanada Golaha shacabka goor dhow yeesheen ayaa waxaa soo xaadiray 170 Xildhibaan, waxaana kulanka looga dooday Xeer uu soo diyaariyay Baarlamaanka oo ku saabsanaa heshiiskii Dekeda Berbera iyo Shirkadda DP World.

Xeerka ayaa waxaa ansixiyay 168 xildhibaan, halka hal Xildhibaan uu diiday, mid kalena uu ka aamusay, sidaas uu Guddoonka uu ku dhawaaqay inuu ansax yahay xeerkan.

Xeerkan oo cinwankiisu yahay Xeerka dhowrida Gobonimada iyo Geyiga Soomaaliyeed ayaa dalka ka mamnuucaya Shirkadda DP World, sidoo kale waxaa lagu baabi’iyay dhamaan heshiisyadii ay gashay oo ay ku jirto tan Dekeda Boosaaso.

Waxaa xeerkan lagu sheegay inuu meel marin doono Madaxweynaha Soomaaliya Maxamed C/llaahi Farmaajo, laguna soo saari doono faafinta rasmiga ee Jamhuuriyadda Soomaaliya.

Heshiiskii Dekeda Berbera ayaa waxaa ka dhashay xiisad siyaasadeed oo mugdi geliyay xiriirka Soomaaliya iyo Imaaraadka Carabta, iyadoo dowladda Federaalka ay dacwad ku saabsan heshiiskaas u gudbisay Jaamacadda Carabta.

Hoos Akhriso Nuqul ka mid ah Xeerka:-

 

 

Ahmed Roble
wardoon.net@gmail.com

Fadlan Ra‘yigaaga kadhiibo

2 thoughts on “AKHRISO: Xildhibaanada Baarlamaanka oo dalka ka Mamnuucay DP World”

  1. origino says:

    sidaa weeye somalinimadii way soo noqotay ninkii somaliya rabinisaga bax dalku waa dal somaliyeed

  2. origino says:

    ahaaay caraqbka jaahilka ee lacagta bateroolka helay inta uu somali yaqaana yar geeska cid kasta isku dayday har cad ayay ka huleeleen kani garbasaarta wato0 dabmeeraha haloo xiro ha wasaane

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

Facebook