Manchester City oo hanatay horyaalka Premier League+SAWIRRO

Kooxda kubadda cagta Manchester City ayaa hanatay horyaalka Premier League ee Ingiriiska kadib markii shalay laga adkaaday kooxdii ugu soo dhaweyd ee Manchester United.

Manchester United ayaa waxaa 1-0 garoonkeeda Old Trafford kaga adkaaday naadiga ugu hooseeya horyaalka ee West Bromwich Albion, taasi oo horyaalka u gacan gelisay kooxda macallin Pep Guardiola.

Manchester City ayaa haysata 87 dhibcood, waxayna 16 dhibcood ka sareysaa United oo leh 71 dhibcood, ayada oo horyaalka ay hareen kaliya 5 kulan.

Horyaalkan ayaa ah kii shanaad ee kooxda Manchester City ay ku guuleysto taariikhdeeda, waxayse aad uga dambeysa kooxda ugu horyaalka badan ee Manchester United oo hanatay 20 horyaal.

Manchester ayaa noqon karta kooxdii ugu horeysay ee horyaalka ku qaada 100 dhibcood, haddii ay badiso kulamada u harsan.

Ahmed Roble
wardoon.net@gmail.com

Fadlan Ra‘yigaaga kadhiibo

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

Facebook