Mohamed Salah oo ku guuleystay abaalmarin kale

Weeraryahanka kooxda Liverpool Mohamed Salah ayaa loo magacaabay laacibka sanadka ee xiriirka qorayaasha kubadda cagta Ingiriiska.

Qad dhexlaha kooxda Manchester City Kevin de Bruyne ayaa kaalinta labaad ka galay codbixintan, halka laaciibka kooxda Tottenham Harry Kane uu kaalinta saddexaad ku dhammeystay.

Salah oo 25 jir ah ayaa dhaliyey 31 gool, 34 kullan oo uu xilli cayaareedkan saftay horyaalka Premier League.

Xiddiga Masriga ah, oo noqday afrikaankii ugu horreeyey ee ku guuleysta abaalmarintan, ayaa sidoo kale bishii April ku guuleystay abaal marinta laacibka sanadka ee xirfadlayaasha kubadda cagta.

Salah oo ay Liverpool xagaagii tagey kala soo waregtay kooxda Roma ayaa dhaliyey 43 gool, dhamaman tartamadii uu cayaaray.

Ahmed Roble
wardoon.net@gmail.com

Fadlan Ra‘yigaaga kadhiibo

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

Facebook