Wiil uu dhalay hogaamiyaha kooxda Daacish oo la dilay +Sawirro

Wiil uu dhalay hogaamiyaha kooxda Daacish, Abuubakar al Baqdaadi, ayaa lagu dilay dagaal ka dhacay Suuriya, sida ay ku warrantay wakaalada wararka amaq ee kooxda IS u faafisa wararka.

Hudayfa al-Badri ayaa ku dhintay hawlgal kumaandos oo ka dhan ahaa xukuumadda Suuriya iyo Xoogagga Ruushka, meel dabka laga dhaliyo oo ku taalla gobolka Xums, sida lagu qoray farriin la soo dhigay barta Telegram.

Faahfaahin dheeraad ah lama bixin, laakinse waxaa lagu daray muuqaalka ninkaas dhallinyarada ah oo middi haysta.

Halka uu ku sugan yahay aabihiis – oo magaciisa runta ah uu yahay Ibraahin Cawad Ibraahim al Badri – ayaan la ogeyn, laakiin farriintu waxay muujinaysaa inuu weli nool yahay.

Baqdaadi oo madaxiisa la dul dhigay $25 malyan, waxaa dhowr mar la sheegay in la dilay ama la dhaawacay.

Warkiisa lama maqlin tan iyo Siteembar 2017, markaasoo uu taageerayaashiisa ka codsaday inay weerar ku qaadaan reer galbeedka, ayna sii wadaan dagaalka Suuriya iyo Ciraaq.

 

Ahmed Roble
wardoon.net@gmail.com

Fadlan Ra‘yigaaga kadhiibo

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

Facebook