Pogba majoogayo Old Trafford xittaa haddii Jose Mourinho laceyriyo

Kubbad qaabeeyaha kooxda Manchester United ee Paul Pogba ayaa ay ka go’antahay inuu ka dhaqaaqo kooxdiisa, xittaa haddii Jose Mourinho laga raacdeeyo shaqada tababare ee Old Trafford.

Daily Telegraph ayaa hoosta ka xarriiqday in Pogba uu ka tegi doono United markii labaad xirfaddiisa, isagoo doonaya ku biiritaanka Juventus ama Barcelona.

Tan iyo markii uu laacibka France ku hooggaamiyay xulkiisa Koobka Adduunka, waxaa soo iftiimayay xiriir wanaagsan oo ka dhexeeya isaga iyo macallinkiisa.

Balse sheeko waxa ay is beddeshay markii uu Pogba dhaleeceeyay falsafadda Mourinho, dabadeedna macallinka Portugal u dhashay uu go’aansaday inuu ka xayuubiyo xilka ku xigeenka Captain-ka naadiga.

Si kastaba ha ahaate, 25-jirkan ayaa waxa uu ku biiri karaa midkood Barcelona ama kooxdiisii hore ee Juve.

Red Devils ayaana madaxa ciyaaryahanka dul saartay in ka badan £200m.

Ahmed Roble
wardoon.net@gmail.com

Fadlan Ra‘yigaaga kadhiibo

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

Facebook