Garoomadda Diyaaraddaha Suudaan oo la xiray

Inta badan waxaa la xiray Garoomadda diyaaraddaha ee ku yaalla dalka Suudaan, waxaana halkaasi ka socda howlgal weyn xilli Ciidan gaadiidka dagaalka wata ay galeen Hoyga Madaxweynaha Suudaan oo lagu qasbaayo in uu xilka ka dego.

Milatariga ayaa la wareegay xarunta Telefishinka iyo Raadiyaha Qaranka, waxaana ay sheegeen in dhawaan ay shaacin doonaan war wanaagsan.

Saxafiyad magac ku leh dalka Suudaan oo ku sugan magalada caasimadda ah ee dalka Khartuum ayaa Twitterka ku soo qortay in ay jiraan warar sheegaya in masuuliyiin sare oo dawladda ah la xirxiray, garoonkii diyaaradahana albaabada loo laabay.

Mudaaharaadayaasha ayaa barnaamijka Newsday ee BBC-da u sheegay in dadku ay ku damaashaadayaan waddooyinka magaalada caasimadda ah ee Khartuum ee dalka Suudaan.

Arrintan ayaana imaanaysa iyadoo ay sii xoogaysanayaan wararka sheegaya in laga yaaba in milatarigu uu madaxweyne Cumar Xasan Al Bashiir ku qasbo in uu xilka banneeyo.

Ahmed Roble
wardoon.net@gmail.com

Fadlan Ra‘yigaaga kadhiibo

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

Facebook