XOG:- Dheeraad ah oo Ku Saabsan Qaraxii Lagu Weraray Xarunta Dowladda Hoose Ee Xamar.

Haweenayda Indhoosha ah ee isku qarxisay Xarunta Dowladda Hoose ee Muqdisho waxay Wasaaradda Amnigu ku sheegtay, iyada iyo Gabadhii la socotayba inaysan marin Hubintii loo baahnaa markii la shaqaalaysiinayay.
Basiiro ma ahan Magaceeda runta ah, Waxaana magaceeda runta ah la yiraahdaa Maryan.
Basiro ama Maryan waxay isku dayday inay ka qayb gasho Xafladihii Maalmaha Xoriyadda ee 26 ka June iyo 1 da July, balse Amniga oo aad loo adkeeyay maalmahaas uma suuragalin isku daygeedu.
Maryan waxay la baxday Magaca Basiiro markii ay ku biiraysay Dugsiga Indhoolayaasha, taasoo muujinaysa inay waqti dheer ka diyaar garoobaysay arrintan.
Maryan gabadha caawinaysay qaraabo ma aysan ahayn, wax ka sokeeya Soomaalinimo oo ay wadaageen ma aysan jirin, Waxaana la aaminsan yahay in Xiriirka ka dhaxeeyay Labada Gabdhood uu ahaa Alshabaabnimo oo kaliya.
Maryan waxay Muqdisho soo gashay 2011, iyadoo ka timid Deegaanka Buq Aqable ee Hiiraan, halkaas oo illaa hadda ay Hooyadeed joogto, Waxayna ku soo dagtay Eedadeed oo Madiino dagan, balse markii dambe way ka guurtay, Waxayna gooni uga baxday Ehelkeeda iyo Qoyskeeda, Iyadoo noqotay Qof Gooni u Socod ah.

 

Ahmed Roble
wardoon.net@gmail.com

Fadlan Ra‘yigaaga kadhiibo

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

Facebook