Shirkii Musharaxiinta Oo Waqti Dheeraad Ah Lagu Daray

933

Maanta oo Isniin ah ayaa lagu waday in lasoo gaba-gabeeyo Shirkii Musharaxiinta u taagan qabashada xilka Madaxweynaha ee labadii maalin ee lasoo dhaafay uga socday Caasimadda dalka ee Magaalada Muqdisho.

Warar lagu kalsoonaan karo oo ay heshay Idaacadda Dalsan ayaa sheegaya in shirka Musharaxiinta lagu daray waqti dheeraad ah, isla markaana kasoo qeyb geli doonaan Siyaasiyiin iyo xubno kale oo Musharaxiinta dhambaal u direen.

Guddoomiyaha Aqalka sare ee Baarlamaanka Federaalka Cabdi Xaashi Cabdullaahi ayaa ku biiraya Shirka Musharaxiinta iyo siyaasiyiin kale oo kasoo jeeda Gobolada Waqooyi ee Somaliland oo kasoo horjeeda Guddiyada Doorashada ee la magacaabay.

Shirka oo ah mid xasaasi ah ayaa waxaa looga hadlayaa xaaladda siyaasadeed ee dalka iyo Arrimaha doorashooyinka dalka dhacaya dhammaadka sanadkaan 2020/2021, kadib markii heshiis rasmi ah laga gaaray Doorashada.

Shalay ayaa waxaa Shirka Musharaxiinta ku biiray Ururrada Bulshada Rayidka Soomaaliyeed, Odayaasha dhaqanka iyo Culimadda Soomaaliyeed, waxaana shirkaas la filayaa in maalinta berri oo tallaado ah lasoo gaba-gabeeyo, sida uu qurshahu yahay.

Warbaahinta ayaa Maanta dib joog ka ah oo loo diiday inay tebiso shirka Musharaxiinta u taagan qabashada xilka Madaxweynaha oo ay ka qeyb galayaan Guddoomiye Cabdi Xaashi Cabdullaahi iyo siyaasiyiin kale oo kasoo horjeeda dowladda Federaalka.