Qarax is-miidaamin ah oo ka dhacay Muqdisho

155

Warar kala duwan ayaa kasoo baxaya khasaaraha ka dhashay qarax goor dhow ka dhacay qeybo ka mid ah magaalada Muqdisho.

Qaraxa oo ahaa mid xoogan ayaa waxaa jugtiisa laga maqlay inta badan xaafadaha magaalada Muqdisho ee caasimada Soomaaliya.

Wararka ayaa sheegaya in qaraxa uu si gaar ah uga dhacay nawaaxiga saldhiga Booliska degmada Xamarweyne ee gobolka Banaadir, waxaana ka dhashay khasaare kala duwan.

Sidoo kale wararka horudhac ah ayaa sheegaya in nooca qaraxa uu ahaa is-miidaamin, kaas oo uu fuliyey ruux isku soo xiray walxaha qaraxa.

Ciidamo ka tirsan kuwa ammaanka ayaa goobta gaaray, kuwaas oo haatan xiray dhaq-dhaqaaqa meesha ay wax ka dhaceen.