DAAWO:-Qoor Qoor oo muqdisho tagay+SAWIRRO

1089

Madaxweynaha Galmudug mudane Axmed Cabdi Kaariye iyo wafdi uu hoggaaminayo ayaa galabta soo gaaray magaalada Muqdisho.

Madaxweynaha iyo wafdigiisa ayaa waxaa si weyn Garoonka Diyaaradaha ee Aadan abdulle ugu soo dhaweeyay masuuliyiin ka socday Maamulka gobolka Banaadir, xubno ka kala socday golaha wasiirada iyo Labada gole ee baarlamanka dalka.

Qoorqoor ayaa noqonaya madaxweyne goboleed 2aad ee Muqdisho u yimaada ka qeyb galka Shirka Golaha Wadatashiga Qaran ee ka furmaya Afisyoone  maalinta Sabtida 21-ka Agoosto, 2021.

Madaxweynaha Koonfur galbeed laftagareen ayaa horey u soo gaaray Muqdisho, iyadoo madaxda kale ee dowlad goboleedyada la filayo iney ilaa beri soo gaaraan Xamar.

Kulanka oo uu shir guddoomin doono R’iisul Wasaare Rooble waxa lagaga hadli doonaa diyaar garowga doorashooyinka Golaha Shacabka, diyaarinta habraacyada doorashooyinka, raadinta dhaqaalaha dhiman ee ku baxaya doorashooyinka iyo sidii horey loogu socon lahaa.