Wiil dhalinyaro ah uu dhalay Madaxweynaha dalka Rwanda oo lagu magacaabo Ivan Kagame ayaa loo magacaabay in uu noqdo xubin sare oo katirsan guddiga hormarinta ee dalkaasi.
Wareegto kasoo baxday xafiiska Ra’isul Wasaaraha dalka Rwanda ayaa loogu magacaabay curudka Madaxweynaha Rwanda Ivan Kagame in uu xubin muhiim ah ka noqdo guddiga horumarinta dalka Rwanda.
Ivan Kagame oo ah 30-sano jir ayaa jaamacada heerka labaad ka gaaray jaamacad kutaala dalka Mareykanka, wiilkan ayaana ahaa mid aan lagu arag siyaasada sidoo kale kama soo muuqan jirin baraha bulshada.
Talaabadan uu Ra’isul Wasaaraha dalka Rwanda xilka sare ugu magacaabay wiilka uu dhalay Madaxweyne Paul Kagame ayaa noqoneysa markii ugu horeesay oo wiil uu dhalay Madaxweynaha dalkaasi jago sare loo magacaabo.
