Ciidamada Nabbad sugida iyo sirdoonka Qaranka ayaa shalay xanibay weriye Jamaal Maxamed Cusmaan oo ka tirsan telefishinka Channel 4 ee dalka Ingiriiska,wariyahan ayaana kasoo degay garoonka diyaaradaha Aadan Cadde .
Sida aan wararka ku helnay wariyaha ayaa markii uu kasoo degay garoonka Aadan Cadde waxaa la wareegay ciidamada NISA, waxa ayna geeyeen hotel kuyaalla garoonka diyaaradaha Aadan Cadde ,halkaas oo lagu amray in uusan soo dhaafi karin.
Jamal Maxamed Cusmaan ayaa saakay laga masaafuriyay magaalada Muqdisho, waxaana wariyaha horey loo sii saaray diyaarad kusii jeeda dalka dalka Turkiga , Jamal ayaana dhankiisa soo dhigay sawir isaga oo diyaarad saaran.
Wariyahan ayaa loo heestaa in uu wareysiyo ka qaaday hoggaamiyaal sar sare oo katirsan Al Shabaab , waxaa sidoo kale lagu eedeeyay in uu xayeesiimo u sameeyay Al Shabaab uuna sheegay in ay awoodaan in talada dalka la wareegaan.
