Wafdigii dowladda federaalka ee dhowaan ka qeyb-galay Shirweynihii Wada-tashiga Puntland ayaa maanta soo saaray war-murtiyeed ay kaga soo hor-jeesteen qaar kamid ah qodobo ku jiray War-murtiyeedkii laga soo saaray shirkaasi.<\/p>\n
Wasiirka arrimaha dibedda Soomaaliya, Axmed Ciise Cawad oo warbaahinta kula hadlay magaalada Garoowe ayaa sheegay in uu ugu horeynta soo dhoweynayo Go\u2019aankii uu Madaxweyne Deni ku aqbalay tagida magaalada Muqdisho.<\/p>\n
Wasiir Cawad ayaa xusay in Safarkaasi uu wax weyn tari doono maadama uu Deni kulamo la qaadan doono Madaxda ugu sareysa dalka, Farmaajo iyo Kheyre.<\/p>\n
Sidoo kale waxa uu bogaadiyey qabashada Shirweynaha wada-tashiga Puntland, oo socday muddo ku siman saddex cisho ah.<\/p>\n
Cawad ayaa si weyn uga hor-yimid qodobo ku jiray War-murtiyeedka shirkaasi laga soo saaray, gaar ahaan qeybta sida gaarka ah farta ugu fiiqeysa DF.<\/p>\n
Wasiirka ayaa waxa kale oo uu sheegay in uu ka xun yahay wax uu ugu yeeray erayo xanaf leh oo War-murtiyeedkaasi ku bartilmaamedsaday maamul goboleedyada dalka.<\/p>\n
\u201cWaxaan diidan nahay go\u2019aamada lagu sheegay war-murtiyeedka shirka ka soo baxay, qeybta ku saabsan Dowladda federaalka oo aan marnaba ka turjumeyn hadal soo jeedintii iyo doodihii shirka\u201d ayuu yiri Wasiir Cawad.<\/p>\n
Wuxuuna intaas sii raaciyey \u201cWaxaan ka xunahay oo aan rabnaa in aan halkaan ka cadeyno eraydii xanafta lahaa ee war-murtiyeedku kusoo baxay ee weliba loo geystay maamulada kale, taas oo qeyb ka aheyn ajendihii shirka kuna jirin hadal soo jeedintii wafdiyadii, isla markaana ku jirin doodihii shirka\u201d.<\/p>\n
War-murtiyeedka dhowaan laga soo saaray Shirweynaha wada-tashiga Puntland ayaa qeyb kamid ah lagu sheegay in dowladda federaalku ay ka weecatay nidaamkii federaaleynta dalka, iyadoona lagu sheegay in xubnaha Shirweynuhu ay ka muujiyeen wel-wel fara-gelinta qaawan ee DF ku hayso maamulada dalka.<\/p>\n