Madaxweynaha Somaliland, Muuse Biixi Cabdi iyo Guddoomiyeyaasha xisbiyada Waddani iyo Ucid, Cabdiraxmaan Cirro iyo Eng. Faysal Cali Waraabe, ayaa maanta si wada-jir ah uga horyimid deyn-cafinta Soomaaliya.<\/p>\n
Biixi, Ciro iyo Faysal ayaa sharraxaad ka bixiyey Aragtida Somaliland ee ku aaddan go\u2019aanka uu Baanka adduunku deynta kaga cafiyey Soomaaliya oo sida ay sheegeen aan lagu caddaynin doorkii ay Somaliland ku lahayd deyn cafintaas iyo xuquuqdii ay u lahayd in taladeeda wax laga weydiiyo oo u muuqata mid la duudsiyey.<\/p>\n
Madaxweyne Muuse Biixi ayaa ugu horeyntii sheegay in Somaliland ay tahay dal madax-bannaan oo gaarkiisa u taagan, waxana uu Baanka adduunka u diray farriin uu ku caddaynayo in deymaha Soomaaliya laga dhaafay aanay ahayn wax u yaalla Somaliland, Wuxuuna yiri:<\/p>\n
\u201cBaanka Adduunka waxanu leenahay labadaas dawladood ee 1960-kii isu tegay ee 1991-kiina kala baxay mid walba sideeda iyo gaarkeeda ayaa loola macaamilayaa, Somaliland haddii la leeyahay kuma ictiraafsanin oo kula macaamili maynno\u201d.<\/p>\n
\u201cSoomaaliya waxa aad ka dhaafteen iyo waxa u qabanaysaan idinka ayey idin taallaa, annaguse Somaliland baannu nahay, wixii nalagala hadlayo annagaa nalagala xaajoonayaa oo naloo soo marin maayo cid kale\u201d.<\/p>\n
Wuxuuna intaas sii raaciyey \u201cMadax-bannaannida iyo ictiraafkaad sheegaysaan waa kaannu ka baxnay ee ka dagaallanay ee aannu goonida u joogno ee aannu dawladda ka dhisannay\u201d.<\/p>\n