Shad Gaspard oo horay uga qeyb qaadan jiray tartammada ciyaaraha musaaracada ayaa meydkiisa laga helay Xeebta Venice ee ku taalla magaalada Los Angeles kaddib markii la waayay xilli uu la dabaalanayay wiilkiisa.<\/p>\n
Ciyaaryahankan 39 jirka ah ayuu hir qaaday isaga iyo wiilkiisa Aryeh oo 10 jir ah, 17-kii bishan May.<\/p>\n
Cunigga yar waa la badbaadiyay laakiin kooxda badbaadiyeyaasha ah ee xeebta ku sugnaa uma aysan suurta galin inay isagana gacanta kusoo dhigaan.<\/p>\n
\u201cShad wuxuu ku haftay badweynta, wuuna geeriyooday, \u201d sidaas waxaa baraha bulshada ku shaaciyay Dwayne Johnson oo loo yaqaanno \u201cThe Rock\u201d.<\/p>\n
\u201cLaakiin inta uusan dhimanin wuxuu dalbada in marka hore loo badbaadiyo wiilkiisa. Kaasina waa jacaylka aabanimo\u201d, ayuu sii raaciyay qoraalkiisa.<\/p>\n
Wuxuu Shad ku tilmaamay \u201cnin aad u wanaagsanaa\u201d, isagoo \u201ctacsi tiiraanyo leh\u201d u diray xaaskii uu ka tagay, wiilkiisa iyo dhammaan qoyska intiisa.<\/p>\n
\u201cWaa dhacdo xanuun badan,\u201d ayuu sii raaciyay.<\/p>\n
Xaaska Shad ayaa ka mahad naqday sida loo badbaadiyay wiilkeeda, xilligii uu socday howlgalka lagu raadinayay seygeeda.<\/p>\n
\u201cShad waa dagaalyahan, geesi cajiib ah. Waxaan rajeyneynaa oo aan ku duceysaneynaa inuu isagoo nabad qaba noo soo laabto,\u201d ayey tiri markaas.<\/p>\n
Dabcan waxay ahayd inta aan meydka seygeeda la helin.<\/p>\n
Laakiin maalintii Arbacada ayey kooxaha gurmadka ka war dooneen meyd la sheegay inuu kusoo caariyay xeebta Venice ee magaalada Los Angeles.<\/p>\n
Saacado kaddib waxay xaqiijiyeen inuu yahay meydka Shad.<\/p>\n
\u201cWaxaan taageerayaasha caalamka kula biirayaa tacsida iyo xasuusta Shad Gaspard, oo ahaa ciyaartoy aan aad u jecel nahay iyo aabe naxariis badan,\u201d sidaasna waxaa Twitter-ka kusoo qoray ciyaartoyga sida weyn loogu qiimeeyo tartamada musaaracada (WWE) ee lagu magacaabo Triple H.<\/p>\n
Ciyaartoygan oo uu dhirirkiisu ahaa The 6ft 7in, waxaa markiisii hore loo aqoon jiray Da Beast wuxuuna kasoo muuqday koox musaaracada isku baheysata (Cryme Tyme), si gaar ahna wuxuu xulafo ula ahaan jiray JTG.<\/p>\n
\u201cNoloshiisa kuma soo gabagaboobin sidii aan rabnay,\u201d ayuu yiri Tyrus oo ay isku koox ahaayeen kusoo qoray baraha bulshada.<\/p>\n
\u201cWaxaan hadda u xusi karnaa inuu ahaa halyeey, aabe naxariis badan.<\/p>\n
Kaddib markii uu ka baxay tartammada musaaracada ee WWE toban sano ka hor, Shad Gaspard wuxuu ku biiray jilista filimada, kuwaasoo uu doorar kooban ka qaadan jiray.<\/p>\n
Waxaa filimadii uu kasoo muuqday ka mid ahaa Get Hard with Kevin Hart iyo Will Ferrell, kuwaasoo soo baxay 2015-kii.<\/p>\n
Rugcaddaaga WWE ee lagu magacaabo Dave Bautista ayaa ooyay markii uu ka tacsiyeynayay geerida Shad: \u201cWuxuu jeclaa inuu qol soo dhex galo oo uu kiciyo buuq \u2013 wuxuu ahaa nin noocaas ah, wuxuu ahaa nin nolosha oo dhan ka weyn.\u201d<\/p>\n