{"id":183460,"date":"2024-11-02T23:47:13","date_gmt":"2024-11-02T20:47:13","guid":{"rendered":"http:\/\/wardoon.net\/so\/?p=183460"},"modified":"2024-11-02T23:47:13","modified_gmt":"2024-11-02T20:47:13","slug":"daawo-wasiir-fiqi-oo-shaaciyey-qorshaha-df-ee-safaaradda-itoobiya","status":"publish","type":"post","link":"http:\/\/wardoon.net\/so\/daawo-wasiir-fiqi-oo-shaaciyey-qorshaha-df-ee-safaaradda-itoobiya\/","title":{"rendered":"Daawo:- Wasiir Fiqi oo shaaciyey qorshaha DF ee safaaradda Itoobiya"},"content":{"rendered":"

\"\"<\/p>\n

Wasiirka arrimaha dibadda Soomaaliya Axmed Macalin Fiqi oo wareysi siiyey Telefishinka Qaranka ayaa ka hadlay xiisadda Soomaaliya iyo Itoobiya, isagoo si adag uga hadlay goobta ay degan tahay safaaradda Itoobiya.<\/p>\n

Wasiir Fiqi ayaa balan qaaday in deg deg safaaradda Itoobiya ay dowladda Soomaaliya uga rari doonto goobta ay degan tahay.<\/p>\n

Safaaradda Itoobiya ayaa ku dhex taalla Madaxtooyada Soomaaliya, waxaana arrintaan caro xooggan ka muujiyey shacabka Soomaaliyeed oo dalbaday in goobtaas xasaasiga ah laga raro safaaradda Itoobiya.<\/p>\n

\u201cSafaaradda Itoobiya madagana dhulkeedii inay ku dhextaal xeyn daabka Madaxtooyada Qaranka waa arrin laga haboon yahay, waxaan ka shaqeyn doonaa sidii ay dhulkeedii hore u dhisan laheyd kaas oo hadda u banaan,\u201d ayuu yiri Wasiir Fiqi.<\/p>\n

Sidoo kale, Wasiirka ayaa wareysigaan ku sheegay in safaaradda Itoobiya Madaxtoyada la dejiyey xiligii uu dalka Madaxweynaha ka ahaa Cabdullahi Yuusuf, isagoo nasiib darro ku tilmaamay inay halkaas sii deganaato safaaradda Itoobiya.<\/p>\n

\u201cDareenka shacabka Soomaaliyeed ee ku saabsan goobta ay degan tahay safaaradaas waa ku saxan yihiin, si deg deg ah ayaan talaabo u qaadi doonaa, waxayna degi doontaa goob kale oo ka baxsan Madaxtooyada,\u201d ayuu yiri Fiqi.<\/p>\n

Wasiirka ayaa cadeeyey in safaaradda Itoobiya ay dhul ku leedahay Magaalada Muqdisho, \u201cdhulkoodii inay degaan ama meel kale ha degaane ay ka guuraan gudaha Madaxtooyada ayaan ka shaqey doonaa, waana awoodaa dowladda Soomaaliya,\u201d ayuu hadalkiisa ku sii daray Fiqi.<\/p>\n

Wasiirka arrimaha dibadda ayaa ku dooday in dowladda Soomaaliya ay xujo hor dhigi doonto Itoobiya, taasi oo ah inay ka dalba doonaan in safaaradda Soomaaliya dhul laga siiyo gudaha Madaxtooyada Itoobiya ama ay ka guuri doonaan Madaxtooyada Soomaaliya.<\/p>\n

\u201cSi labada dalka ay u sinaadaan, Itoobiya waxay safaaradeedna dhul ka siineysaa madaxtooyada Addis Ababa ama waxay ka guuri doonaan Villa Somalia, wax ka dhexeeya ma jiraan,\u201d ayuu hadalkiisa ku sii daray wasiirka arrimaha dibadda Itoobiya.<\/p>\n