![\"\"](\"http:\/\/wardoon.net\/so\/wp-content\/uploads\/2025\/12\/2025-06-12T150225Z_2094443649_RC221FA1U5KZ_RTRMADP_3_USA-MIGRATION-GOVERNORS-1024x683-1.jpg\")
<\/p>\n<\/p>\n
Barasaabka gobolka Minnesota, Tim Walz, ayaa si adag u cambaareeyay tallaabo ay qaadeen ciidamada socdaalka ee Mareykanka (ICE), kaddib markii ay joojiyeen wiilka xildhibaan Ilhaan Cumar oo laga soo doorto Minneapolis, xilli uu si caadi ah ugu socday gurigiisa isla markaana u hoggaansanaa sharciga.<\/p>\n
Walz ayaa sheegay in dhacdadani aysan ahayn howlgal lagu beegsanayo dambiilayaal, balse ay tahay fal ku saleysan faquuq bulsho iyo midab-takoorka. \u201cTani ma aha sugidda ammaanka, waa cabsi gelin iyo kala soocid,\u201d ayuu yiri barasaabku.<\/p>\n
Xildhibaan Ilhaan Cumar ayaa dhankeeda xaqiijisay in saraakiil ka tirsan ICE ay Sabtidii joojiyeen wiilkeeda, iyaga oo ka dalbaday inuu caddeeyo muwaadinimadiisa Mareykannimo. Waxay sheegtay in wiilkeedu uu istaagay dukaan ku yaalla Target, halkaas oo saraakiishu ku joojiyeen, balse markii uu u soo bandhigay baasaboorkiisa Mareykanka ay sii daayeen.<\/p>\n
\u201cWiilkaygu mar walba wuu wataa baasaboorkiisa,\u201d ayay Ilhaan Cumar ku sheegtay wareysi ay siisay Esme Murphy oo ka tirsan barnaamijka WCCO Sunday Morning. Telefishinka WCCO ayaa la xiriiray hay\u2019adda ICE si ay faallo uga bixiso dhacdadan, balse wali wax jawaab ah kama helin.<\/p>\n
Ilhaan Cumar ayaa sidoo kale sheegtay in tani aysan ahayn markii ugu horreysay ee arrintan oo kale dhacdo, iyada oo xustay in saraakiil ka tirsan ICE ay horay u galeen masjid ay wiilkeedu iyo dad kale ku tukanayeen, balse ay halkaas ka baxeen iyaga oo aan wax tallaabo ah qaadin.<\/p>\n
\u201cWaxaan aad uga walwalsanahay, sababtoo ah goobaha ay howlgallada ka wadaan waa goobo uu wiilkaygu ku sugan karo. Waxay bartilmaameedsanayaan wiilal da\u2019yar oo u eg Soomaali, iyaga oo u haysta inay yihiin dad aan sharci haysan,\u201d ayay tiri xildhibaanaddu.<\/p>\n
Horaantii bishan, saraakiil federaal ah ayaa si ballaaran ugu soo qulqulay magaalooyinka mataanaha (Twin Cities), iyaga oo sheegay in ujeeddadoodu tahay beegsiga muhaajiriinta Soomaaliyeed ee aan sharciga haysan. Arrintan ayaa timid kaddib hadallo muran dhaliyay oo uu jeediyay madaxweynihii hore Donald Trump, kaas oo sheegay inuusan \u201cdoonayn in Soomaalidu Mareykanka joogto,\u201d isla markaana Jimcihii ku tilmaamay Ilhaan Cumar \u201ckhashin.\u201d<\/p>\n
Tallaabadan kaddib, Ilhaan Cumar ayaa warqad u dirtay Xoghayaha Waaxda Amniga Gudaha ee Mareykanka (DHS), Kristi Noem, iyo Todd Lyons oo ah agaasimaha ku meel gaarka ah ee ICE, iyadoo ku eedeysay saraakiisha federaalka \u201ctakoor qowmiyadeed oo muuqda\u201d iyo \u201cadeegsiga awood xad-dhaaf ah oo aan loo baahnayn\u201d oo ka socda magaalooyinka mataanaha.<\/p>\n
\u201cWaxay ii caddahay in howlgalkan xooggan uu si toos ah uga dhashay hadallada cunsuriyadda ah ee Trump ee ka dhanka ah Soomaalida, gaar ahaan aniga,\u201d ayay ku qortay warqaddeeda.<\/p>\n
Xogta Xafiiska Tirakoobka Mareykanka ayaa muujinaysa in Minnesota ay hoy u tahay bulshada Soomaaliyeed ee ugu badan dalka, iyadoo qiyaastii 107,000 oo Soomaali ah ay ku nool yihiin gobolka, in ka badan 80,000-na ay degan yihiin magaalooyinka mataanaha. Ilhaan Cumar ayaa sheegtay in in ka badan 90% Soomaalida ku nool Mareykanka ay yihiin muwaadiniin Mareykan ah, iyadoo ku saleysay xogta Sahanka Bulshada Mareykanka (American Community Survey). Sida daraasaddaasi tilmaamayso, qiyaastii 22,000 oo Soomaali ah, ama 8.4%, ayaan weli haysan dhalashada Mareykanka.<\/p>\n
Ilhaan Cumar, oo ku dhalatay Soomaaliya, ayaa Mareykanka timid iyada oo carruur ah, waxayna heshay dhalashada Mareykanka sannadkii 2000.<\/p>\n
Dhacdadan la xiriirta joojinta wiilka xildhibaanadda ayaa kusoo aadeysa xilli ay bulshada Soomaaliyeed ee Minnesota wajahayaan cabsi iyo walaac sii kordhaya, taas oo saameyn ku yeelatay nolol maalmeedkooda, ganacsigooda iyo dhaq-dhaqaaqooda, maadaama dad badan ay ka cabsanayaan inay bannaanka u baxaan.<\/p>\n
<\/p>\n","protected":false},"excerpt":{"rendered":"
Barasaabka gobolka Minnesota, Tim Walz, ayaa si adag u cambaareeyay tallaabo ay qaadeen ciidamada socdaalka ee Mareykanka (ICE), kaddib markii ay joojiyeen wiilka xildhibaan Ilhaan Cumar oo laga soo doorto Minneapolis, xilli uu si caadi ah ugu socday gurigiisa isla markaana u hoggaansanaa sharciga. Walz ayaa sheegay in dhacdadani aysan ahayn howlgal lagu beegsanayo dambiilayaal, […]<\/p>\n","protected":false},"author":1,"featured_media":188783,"comment_status":"closed","ping_status":"closed","sticky":false,"template":"","format":"standard","meta":{"rop_custom_images_group":[],"rop_custom_messages_group":[],"rop_publish_now":"no","rop_publish_now_accounts":{"facebook_10221280388112155_325455220908133":""},"rop_publish_now_history":[{"account":"facebook_10221280388112155_325455220908133","service":"facebook","timestamp":1765902366,"status":"success"}],"rop_publish_now_status":"done","footnotes":""},"categories":[3],"tags":[],"class_list":["post-188782","post","type-post","status-publish","format-standard","has-post-thumbnail","hentry","category-somali-news"],"yoast_head":"\n