{"id":190466,"date":"2026-03-03T12:54:50","date_gmt":"2026-03-03T09:54:50","guid":{"rendered":"https:\/\/wardoon.net\/so\/?p=190466"},"modified":"2026-03-03T12:54:50","modified_gmt":"2026-03-03T09:54:50","slug":"daawo-siciid-deni-oo-zoom-kula-shiray-xildhibaanada-loo-diiday-inay-u-safraan-garoowe","status":"publish","type":"post","link":"http:\/\/wardoon.net\/so\/daawo-siciid-deni-oo-zoom-kula-shiray-xildhibaanada-loo-diiday-inay-u-safraan-garoowe\/","title":{"rendered":"DAAWO: Siciid Deni oo Zoom kula Shiray Xildhibaanada loo diiday inay u Safraan Garoowe"},"content":{"rendered":"

\"\"<\/p>\n

Madaxweynaha Maamulka Puntland, Siciid Cabdullaahi Deni ayaa xalay shir-guddoomiyey Shirka Wadatashiga Dowladda Puntland iyo Mudanayaasha Puntland ku metela labada Aqal ee Baarlamaanka Dowladda Federaalka ah ee Soomaaliya.<\/p>\n

Shirkan ayaa qabsoomay xarunta Madaxtooyada Dowladda Puntland Garowe, iyadoo qaar ka mid ah mudaneyaasha ay uga soo qayb-galeen habka fogaan aragga ah.<\/p>\n

Shirka wadatashiga ayaa maamulka Puntland iyo mudaneyaasha ku metela Puntland Dowladda Federaalka ah waxay iyaga oo isku duuban u soo saareen mowqifka Puntland ay uga soo horjeeddo wax ka bedelka aan sharciga ahayn ee aan heshiiska lagu ahayn ee Madaxweyne Xasan Sheekh Maxamuud ku bedelayo Dastuurka KMG ah.<\/p>\n

\u201cDowladda Puntland waxay aqoonsantahay Dastuurka KGM ah ee heshiiska lagu yahay ee 2012,\u201d ayaa lagu yiri bayaan kasoo baxay shirka.<\/p>\n

Sidoo kale waxaa lagu yiri \u201cWax kasta oo laga beddelo Dastuurka oo aan heshiis lagu aheyna waa waxba kama jiraan, Puntland qeyb kama aha, meel uu ka shaqayn doonana majirto.\u201d<\/p>\n

Shirkan ayaa imanaya xilli Axaddii magaalada Garoowe laga celiyay xildhibaanno ka tirsan Baarlamaanka Federaalka Soomaaliya, kana soo jeeda Puntland, kuwaas oo doonayay inay ka qayb-galaan wada-tashi uu ugu yeeray madaxweyne Siciid Deni, kaas oo ugu dambeyn ku qabsoomay hab fogaan arag ah.<\/p>\n

Xildhibaannada Baarlamaanka ayaa laga mamnuucay inay ka baxaan magaalada Muqdisho, iyadoo guddoonka labada Aqal ee BF uu faray ciidanka nabad-sugidda garoonka in uusan jirin xildhibaan bixi kara.<\/p>\n

Guddoonka ayaa shardi ka dhigay in xildhibaanka raba inuu ka dhoofo Muqdisho uu fasax ka haysto, taasoo keentay in xildhibaannada mucaaradka u safri waayan Garoowe.<\/p>\n

Arrintan ayaa sii hurisay khilaafka siyaasadeed ee ka taagan gudaha dalka, iyadoo maamulka Puntland uu waxa dhacay ku tilmaamay \u201cfal-dambiyeed dil ah\u201d, kadib markii Axaddii hawada laga celiyay diyaaraddii ay la socdeen xildhibaannada, taasoo ku socotay Garoowe.<\/p>\n