Xildhibaan Mahad Salaad oo maanta siwayn loogu soo dhoweeyey Guriceel+SAWIRRO+VIDEO

486

Xildhibaan Mahad Max’ed Salaad oo ka tirsan Golaha Shacabka Baarlamanka Somalia ayaa maanta gaaray degmada Guriceel ee Gobolka Galgaduud halkaasoo si weyn loogu soo dhoweeyay, iyadoo degaankaas uu ka mid yahay deegaanada laga soo doorto xildhibaanka.

Odayaasha dhaqanka, haweenka iyo dhalinyarada ayaa ka qeyb qaatay soo dhoweyntay xildhibaanka iyadoo roog gaduudan loo fidiyay markii uu ka degayey garoonka Guriceel.

Xildhibaan Mahad Salaad ayaa safar dhulka ah ku tagaya Magaalada Dhuusamareeb ee caasimadda Galmudug maalmaha soo socda, Mas’uuliyiinta sare ee Galmudug ayuuna kulamo la qaadan doonaa sida qorshuhu yahay.

Dhowr arrimood oo ay ka mid yihiin dib u heshiisiin guud iyo mid gaar ah, tabashooyin ay ka qabaan dadka reer Guriceel iyo Dhuusamareeb iyo arrimo kale ayaa ka mid ah ujeedada socdaalka Xildhibaan Mahad Salaad.

Sidoo kale Mahad Salaad ayaa ka qeyb qaadan doona diyaargarowga gogol uu fidiyay Ugaaska Beesha Cayr Ugaas Xasan Ugaas Maxamed Ugaas Nuur oo dhowaan ka dhici doonta Guriceel.

Mahad Salaad ayaa sidoo kale xariga jaraya mashaariic Ceelal laga hirgeliyay tuulooyin hoos-yimaada Guriceel, Balanbale iyo Dhuusamareeb.