Duulimaadyada Kenya iyo Soomaaliya oo dib u billowday

339

Waxaa maanta oo axad ah dib u bilowday duulimaadyadii u dhaxeeyay Soomaaliya iyo Kenya oo horey hakad u galay, kadib markii dowlada Kenya shaacisay in si KMG ah u joojisay duulimaadyadii Soomaaliya tagi jiray iyo kuwa ka imaan jiray.

Diyaaradaha ka imaanaya iyo kuwa tagaya dalka Kenya ayaana maanta si toos ah uga bilowday garoonka Diyaaradaha Aadan Cadde, waxaana talaabadan soo dhaweeyay shacabka labada dal u kala safrayay oo dhib badan ku qabay xirnaashaha duulimaadka.

Dowlada Kenya ayaa dhawaan shaacisay in ay fasaxday duulimaadyadii Soomaaliya tagi jiray iyo kuwa ka imaan jiray, waxa ayna arintan timid kadib wadahadalo labada dal dhax maray iyo heshiis laga gaaray khilaaf labada dal u dhaxeeyay.

Labada dal ee Soomaaliya iyo Kenya ayaa sidoo kale la filayaa in dib usoo celiyaan xiriirkooda diblumaasi ayna furaan safaaradaha labada dal oo mudooyinkii dambe xirnaa kadib markii khilaafka labada dal meel xun gaaray .