Taliyihii hore ee sirdoonka Soomaaliya, Cabdullaahi Maxamed Cali [Sanbaloolshe] ayaa si furan kaga hadlay kiiska Qalbi dhagax loogu dhiibay dowladda Itoobiya.<\/p>\n
Ka hor inta aan laga soo qaban Gaalkacyo isla markaana laga dejin Muqdisho, Qalbi dhagax oo la wareejiyay bishii August, 2017 ayaa xorriyadiisa dib u helay bishii June 2018-kii.<\/p>\n
Qalbi dhagax ayaa sheegay in uu saddex maalmood ku qaatay xabsiga Godka Jilacow ee caasimadda kahor inta aan loo duulin Ethiopia.<\/p>\n
Wareysi uu dhowaan bixiyey ayuu ku sheegay in gaariga looga saarey jeelka ay saarnaayeen Sanbaloolshe iyo safiirka Itoobiya u fadhiya Muqdisho oo lagu magacaabo Jamaaludiin.<\/p>\n
Sanbaloolshe oo ka jawaabay eedeynta ku saabsan in uu saarnaa gaarigii Qalbi dhagax looga soo saarey xabsiga Godka Jilacow ayaa ku adkeystay in uusan sameynin wax qalad ah.<\/p>\n
\u201cDad ayaa leh waa mu\u2019aamaraad oo waxaas [isku dabaridaaya]. Wax mu\u2019aamaraad la yiraahdo oo aniga aan sameynaayey Walaahi Bilaahi oo Talaahi in aysan jirin,\u201d ayuu yiri.<\/p>\n
Wareysi uu siiyey Dalsan Tv kaasoo qeyb kamid ah la baahiyey ayuu intaas ku daray: \u201cWaxaan shil ayuu ahaa, sidda ugu fiican in aan u xaliyey ayaana aaminsanahay\u201d.<\/p>\n
Maalin kahor dhiibista Cabdi Xaashi Cabdullaahi, gudoomiyaha Aqalka Sare, ayaa xusay in isaga oo ay wehliyaan laba Senator kale ay la kulmeen Farmaajo iyo Sanbaloolshe maalin kahor dhiibista Qalbi dhagax.<\/p>\n
Afhayeenka Senate-ka ayaa shaaciyey in shirkaas loogu soo bandhigay in Qalbi dhagax uu isagu doonayey in loo dhiibo Itoobiya,dowladda Soomaaliyana ay u fududeyso.<\/p>\n
Taliyihii hore ee sirdoonka Soomaaliya ayaa sheegay in hogaanka dalka ay wax ka ogaayeen kiiska Qalbi dhagax.<\/p>\n
Markii la waydiiyey xaqiiqo-ahaanshiyaha warkaas, Sanbaloolshe ayaa tibaaxay \u201cwaxbo ku dari maayo sidda uu Cabdi Xaashi sheegay, waa sax\u201d.<\/p>\n
Dhanka kale, Qalbi dhagax oo mar sii horeysay ka jawaabay erayaddaas ayaa ku tilmaamay \u201cbeen abuur iyo hadalada ay sheegaan dadka dambiyadda galay\u201d.<\/p>\n
Dalab cafis ah<\/p>\n
Isagoo ka jawaabay su\u2019aal kale oo ku saabsan in uu ka qoomameynayo dhiibista Qalbi dhagax, Sanbaloolshe ayaa xusay \u201caniga kuma lihi waa lay qasbay iyo kuma jirin, waan qirsanahay\u201d.<\/p>\n
\u201cEeda aniga kali ma lihi waan kamid ah waana qiranahay in layga cafiyo ayaana rabaa,\u201d ayuu cod dheer ku qeexay.<\/p>\n
Isagoo hadalkiisa sii wata, madaxii hore ee NISA ayaa shaaca ka qaadey in uu madaxda haatan haysa talada dalka uu kula taliyey in ay liiska argagixisada ka saaraan ONLF.<\/p>\n
Xukuumadda ayaa kadib dhiibistii Qalbi dhagax sheegtay in uu maleegay weeraro ka dhaca dalka isla markaana Jabhadiisa ay tahay \u201curur argagixiso,\u201d wallow eedeyntaas la beeniyey.<\/p>\n