Madaxweynaha Dowlad Goboleedka Puntland Siciid Cabdulaahi Deni ayaa lagu wadaa in uu dhawaan soo gaaro Magaalada Muqdisho ee Soomaaliya kadib casuumaad uu ka helay Dowladda Faderaalka Soomaaliya.<\/p>\n
Deni ayaa ku dhawaaqay go\u2019aankan booqashada Muqdisho kadib kulankii golaha wasiiradda Puntland ee maanta ka dhacay Garoowe, kaasoo sidoo kale looga hadlay qodobo kale oo kamid yahay Coronavirus.<\/p>\n
Booqashada Deni ee Muqdisho ayaa ku timid heshiis cusub, oo dawladda Puntland la gashay wafdiga dawladda Federaalka Soomaaliya ee ku sugan Garoowe kaasoo ka qeybgalay shirkii wadatashiga Puntland.<\/p>\n
Madaxweynaha wuxuu sidoo kale sheegay inuu booqan doono magaalo madaxyada dawlad goboleeyada kale ee dalka Soomaaliya, iyadoo safarkan u noqon doono midkiisii ugu ballaarnaa tan iyo doorashadiisii sanadkii tagey.<\/p>\n
Puntland ayaa waxaa wali ku sugan wafdi ka socda Dowladda Faderaalka Soomaaliya oo uu hogaaminayo Wasiirka arimaha dibada Xukumada Faderaalka Soomaaliya Amb Axmed Ciise Cawad.<\/p>\n
Dhanka kale, Kulanka Deni iyo Wasiirada Xukuumadda, ayaa lagu go\u2019aamiyay in wax ka beddel lagu sameeyo war-murtiyeedkii ka soo baxay Shirkii wada-tashiga Garoowe, kaasi oo haatan dib loo saxay laba qodob oo ay ka biya-diideen wasiirada heer Federaal.<\/p>\n
War-murtiyeedka ayaa laga saaray qodob sheegayay, in Puntland ay qaadan karto go\u2019aan kasta oo la gudboonaada, haddii ay dowladda Soomaaliya aysan tix-gelin go\u2019aannada Puntland ka soo saartay khilaafka labada dhinac.<\/p>\n
Sidoo kale, waxaa dib u sixid lagu sameeyay qodobka sheegaya in Puntland ay shir ku casuuntay Saamileeyda Siyaasadda Soomaaliya, taasina waxaa lagu beddelay in Puntland ay shir ku casuuntay dowadda Federaalka iyo Dowlad Goboleedyada dalka.<\/p>\n