{"id":179016,"date":"2023-08-31T11:59:08","date_gmt":"2023-08-31T08:59:08","guid":{"rendered":"http:\/\/wardoon.net\/so\/?p=179016"},"modified":"2023-08-31T12:06:21","modified_gmt":"2023-08-31T09:06:21","slug":"daawo-taliyaha-ciidanka-xoogga-oo-ka-hadlay-sababta-ciidanka-uga-soo-baxeen-furumaha-dagaalka","status":"publish","type":"post","link":"https:\/\/wardoon.net\/so\/daawo-taliyaha-ciidanka-xoogga-oo-ka-hadlay-sababta-ciidanka-uga-soo-baxeen-furumaha-dagaalka\/","title":{"rendered":"DAAWO:-Taliyaha Ciidanka Xoogga oo ka hadlay Sababta Ciidanka uga soo baxeen furumaha Dagaalka"},"content":{"rendered":"

\"\"<\/p>\n

Waxaa markii ugu horeysay hadlay tan iyo markii ay ciidamada xoogga dalka soo baneeyeen furimaha dagaalka Taliyaha ciidanka xoogga dalka Jeneraal Ibraahim Sheekh Muxyadiin Caddoow oo ku sugan degmada Aadan-Yabaal.<\/p>\n

Taliyaha oo inta badan hadal jeedintiisa ku dalbanayey in la hor mariyo degmada uu ka soo jeedo ee Aadan-Yabaal ayaa si kooban uga hadlay sababta ay ciidamadu uga soo baxeen furimaha dagaalka.<\/p>\n

\u201cSidaa ogtihiin ciidamadu waxay ka soo baxeen aagaggii, farsamo ayey uga soo baxeen, dadka reer Aadan-yabaal waxaa laga rabaa inay is abaabulaan oo Macawiisley ay banaanka ka difaacdo magaalada,\u201d ayuu yiri Taliyaha xoogga.<\/p>\n

Sidoo kale dadka reer Aadan-yabaal ku baqdin geliyey in magaaladoodu ay demi doonto hadii Al-Shabaab ay dib ugu soo laabtaan, \u201cMagaaladaan indhaha ayey isku sii qabsa doontaa hadii maanta lasoo galo,\u201d ayuu yiri.<\/p>\n

Taliyaha oo ku faanay inuu ka soo jeedo degmada Aadan-yabaal ayaa Ra\u2019iisul Wasaaraha ka codsaday in xukuumadiisu ay muhiimad gaar ah siiso hormarinta degmadaan.<\/p>\n

\u201cDegmada Aadan Yabaal ragga ka dagaalamay waa ragga ugu waxtarka badan dagaalka lagula jiro kooxda Khawaarijta ah R\/Wasaare, marka waxaan kaa codsaneynaa inaad gadaal u soo fiiriso reer Aadan-Yabaal,\u201d ayuu yiri Taliyaha xoogga dalka.<\/p>\n

Ra\u2019iisul Wasaaraha Soomaaliya Xamse Cabdi Barre oo maanta safar ku tegay degmada Aadan-Yabaal ayaa halkaas kula hadlay saraakiil iyo geesiyaal ka tirsan ciidanka xoogga dalka, isagoo u sheegay in aan la aqbali doonin wax walba oo xagal-daacinaya halganka uu dhiigga badan ku soo daatay ee dalka looga sifeynayo Khawaarijta Al-Shabaab.<\/p>\n

Inkastoo ay dowladdu weli qarineyso sababta rasmiga ah ee ka dambeysa in ciidamadu ay ka soo baxaan deegaano waqti hore laga xoreeyey Al-Shabaab, hadana waxay dadka qaar aad u dhowrayeen hadalka ka soo yeeri doona Taliyaha xoogga, balse markii uu maanta hadlay wuxuu ka badi waayey in Ra\u2019iisul Wasaaraha uu ka codsado in degmada Aadan-Yabaal uu ka qeyb qaato hormarinteeda.<\/p>\n

Waxaa taagan qadiyad adag oo Taliyaha looga baahnaa inuu bulshada u iftiimiyo, ciidan badan ayaa lagu dilay dagaalka, halka ciidanka intii hartay ay soo baneeyeen furimaha dagaalka, si toos ah iyo si dadban intaba Taliyuhu muhiimad uma siin arrimahaan taagan.<\/p>\n