{"id":191540,"date":"2026-05-07T16:14:15","date_gmt":"2026-05-07T13:14:15","guid":{"rendered":"http:\/\/wardoon.net\/so\/?p=191540"},"modified":"2026-05-07T16:14:15","modified_gmt":"2026-05-07T13:14:15","slug":"daawo-dhulboobkii-kasocday-gobolka-banaadir-oo-lajoojiyay","status":"publish","type":"post","link":"https:\/\/wardoon.net\/so\/daawo-dhulboobkii-kasocday-gobolka-banaadir-oo-lajoojiyay\/","title":{"rendered":"DAAWO: Dhulboobkii kasocday gobolka Banaadir oo lajoojiyay"},"content":{"rendered":"

\"\"<\/p>\n

Maamulka Banaadir ayaa maanta si rasmi ah ugu dhawaaqay in si ku-meel-gaar ah loo hakiyay howlaha burburinta guryaha iyo dhulalka rayidka ee ka socday magaalada Mogadishu, kadib cabashooyin xooggan iyo caro dadweyne oo muddooyinkii dambe ka dhalatay burburinta lagu sameynayay xaafado kala duwan oo ka tirsan caasimadda.<\/p>\n

Go\u2019aankan cusub ayaa lagu shaaciyay wareegto kasoo baxday xafiiska Guddoomiyaha Gobolka Banaadir ahna Duqa Magaalada Muqdisho, Hassan Hussein Mohamed Muungaab. Qoraalka ayaa lagu sheegay in hakinta howlaha burburinta lagu fuliyay amar kasoo baxay Madaxweynaha Jamhuuriyadda Federaalka Soomaaliya, Hassan Sheikh Mohamud, iyadoo sidoo kale la tixgeliyay cabashooyinka iyo dareenka shacabka Soomaaliyeed ee ay saameeyeen howlaha duminta guryaha.<\/p>\n

Maamulka gobolka ayaa caddeeyay in dhammaan howlaha la xiriira burburinta guryaha iyo dhulalka ay degan yihiin dadka rayidka ah si rasmi ah loo joojiyay ilaa amar dambe. Go\u2019aankan ayaa kusoo aadaya xilli maalmihii la soo dhaafay ay magaalada Muqdisho ka dhaceen iska horimaadyo, mudaharaadyo iyo cabashooyin la xiriiray duminta guryo ay lahaayeen dad shacab ah.<\/p>\n

Wareegtada ayaa sidoo kale lagu faray Booliska Gobolka Banaadir inay si buuxda u dhaqan geliyaan amarka cusub, isla markaana ay ka hortagaan tallaabo kasta oo ka hor imaan karta go\u2019aanka maamulka gobolka iyo amarka dowladda dhexe.<\/p>\n

Dhanka kale, maamulka gobolka Banaadir ayaa magacaabay guddi gaar ah oo loo xil saaray inay xaliyaan cabashooyinka la xiriira murannada dhulka iyo burburinta guryaha. Guddigan ayaa ka kooban khubaro, sharci-yaqaanno iyo xubno ka socda bulshada rayidka ah, kuwaas oo la filayo inay qiimeyn ku sameeyaan xaaladda taagan isla markaana talooyin rasmi ah kasoo gudbiyaan.<\/p>\n

Guddiga cusub waxaa guddoomiye looga dhigay Dr. Xasan Maxamed Cumar, waxaana la filayaa inay la kulmaan shacabka ay saameeyeen burburinta, maamulka degmooyinka iyo dhinacyada kale ee ay khuseyso arrintan si xal waara loogu helo murannada soo noqnoqday ee la xiriira dhulka iyo guryaha.<\/p>\n

Hakinta howlaha burburinta ayaa loo arkaa tallaabo dejin karta xiisadda ka taagneyd magaalada Muqdisho oo saacadihii la soo dhaafay sare u kacday, kadib markii dhowr xaafadood ay ka dhaceen isku dhacyo u dhexeeyay ciidamada dowladda iyo shacabka ka cabanayay duminta guryahooda. Dad badan oo ku nool caasimadda ayaa soo dhaweeyay go\u2019aanka maamulka gobolka, iyagoo ku baaqay in si caddaalad ah loo wajaho murannada dhulka iyo xuquuqda shacabka.<\/p>\n

MAGACYADA GUDDIGA LA MAGACAABAY AYAA KALA AH<\/strong><\/p>\n

Dr. Xasan Maxamed Cumar (Gudoomiye)<\/p>\n

Dr. Cabdishakuur Ibraahim Cabdi<\/p>\n

Injineer Maxamed Xasan Cumar<\/p>\n

Injineer Cumar Cali Geedi<\/p>\n

Sheekh Yuusuf Tuurxume<\/p>\n

Sheekh Aadan Macalin Abuukar<\/p>\n

Sheekh Suufi Yare<\/p>\n

Maxamuud Cabdul Baari<\/p>\n

Drs. Faadumo Maxamed Cali<\/p>\n

Maxamed Cabdullaahi Abuubakar (Xoghayaha guddiga.)<\/p>\n