Kooxda Leganes ayaa mar kale ceeb dusha u saari gaadhay Barcelona Sabtidii laakiin gool wakhti dambe ah oo uu dhaliyay Aturo Vidal ayaa ka fujiyay kadib markii uu dhaliyay goolka guusha.
Sidoo kale xiddiga khadka dhexe ee reer Chile ayaa bar-bareeyay goolasha uu Antoine Griezmann u dhaliyay kooxda Barcelona xilli ciyaareedka.
Xiddiga reer France ayaan la qabsan Barcelona waxana uu ku dhibaatoonayaa qaab ciyaareedka isaga oo raadinaya goolal uu u dhaliyo kooxda.
Vidal ayaa kaga fiican dhanka goolasha marka loo eego in uu xiddigii hore ee kooxda Juventus kaydka fadhiyo kulamo badan marka loo eego in uu Antoine Griezmann ku bilowday kulamo ka badan.
Antoine Griezmann ayaa goolkiisii 5-aad ee xilli ciyaareedkan ka raadin doona kooxdiisii hore ee Atletico Madrid oo ay Barcelona la ciyaari doonto todobaadka.
