Weeraryahanka kooxda chelsea ee Tammy Abraham ayaa sheegay in uu mar walba wax ka barto weeraryahanada ugu fiican adduunka isaga oo qirtay in uu daawado qaab ciyaareedkooda kana soo xigto qaybo ka mid ah.
Xiddiga reer England ayaa wacdaro ka dhigaya premier League xilli ciyaareedkan isaga oo chelsea u dhaliyay 10 gool oo premier League ah 13 kulan oo uu ciyaaray.
22 jirkan ayaa booska kala baxay xiddiga khabiirka ah ee Olivier Giroud halka uu sidoo kale ka horeeyo xiddiga reer Belguim ee Mchy Batshuayi.
Si kasta ah ahaatee Xiddiga ayaan halkaas ku joogsan waxana uu doonayaa in uu mar walba horumariyo qaab ciyaareedkiisa si uu u sii ahaado xiddiga 1-aad ee kooxda.
“Wakhtiga aan Fasaxa ahay, waxa aan Galaa YouTube-ka waxana aan daawadaa dhamaan weeraryahanada ugu fiican adduunka waxana aan ka xadaa fikirada si aan ugu daro ciyaartay”ayuu Abaraham yidhi.
“Waxa aan daawadaa qaab ciyaareedka Harry Kane, Sergio Aguero, Roberto Firmino iyo Robert Lewandowski”ayuu sii raaciyay hadalkiisa
