Xildhibaanadda Golaha Shacabka ayaa maalinta berito ah kulan xasaasi ah ku yeelan doona xaruntooda KMG ah ee Villa Hargeysa oo ku taalla madaxtoyada Somalia sida lagu sheegay war goor dhow ka soo baxay guddoonka golaha shacabka
Agendaha kulanka ayaa ah labo qodob oo kala ah Hadal Jeedinta Madaxweynaha JFS iyo u codeynta Kalsooni Siinta Raisul Wasaaraha cusub ee Magacaaban.
Madaxweyne Farmaajo ayaa la filayaa inuu Xildhibaanada Warbixin ka siiyo shirarkii uu Muqdisho kula yeeshay madaxda dowlad goboleedyada iyo waxyaabihii ka soo baxay ee la xiriiray nidaamka doorashooyinka.
Raisul Wasaaraha cusub ee la magacaabay ayaa la filayaa inuu beri helo kalsoonida golaha shacabka taasoo u suuragelineysa inuu xilkasi buuxda ula wareego, inkastoo muddo xileedkiisu aad u kooban yahay.
