Qaxooti Yamaniyiin iyo Soomaali isugu jira oo gaaraya 19 qoys, kana soo cararay colaadda dalka Yaman, ayaa lagu soo dhaweeyay Dekedda magaalada Boosaaso ee xarunta ganacsiga Puntland.
Qaxootiga oo u badana haween iyo carruur, ayaa loo daabulay xarunta qaabiladda iyo soo dhowaynta Qaxootiga Boosaaso, sida lagu sheegay qoraal ay daabacday Wasaaradda Arrimaha Puntland.
Xaaladdaha bani’aadamnimo iyo duruufaha Amni ee daran oo ka jira Yemen ayaa horseeday Qulqulka Qaxootiga badan ee soo gaaraya Puntland.
