Boqor Charles ayaa maanta boqollaal madaxda caalamka ah iyo marti sharafeed boqortooyooyinka dunida ka socda kula kulmi doona qasriga Buckingham , iyadoo maalinta berri ah loo diyaar garoobayo aaska boqorad Elizabeth.
Madaxda la filayo inay ka qeyb galaan waxaa ka mid ah madaxweyne Biden. Biden oo xalay gaaray London wuxuu ka mid yahay ilaa shan boqol oo madaxda dalalka adduunka ah iyo marti sharafeed kale oo la filayo inay munaasabadda ka qeyb galaan. waxaa sidoo kale ah London ku sugan madax uu ka mid yahay madaxweynaha Hindiya.
Raysal wasaareyaasha Canada, Australia iyo New Zealand ayaa iyaguna ka mid ah madaxda ku sugan Londona.
Xaaska boqor Charles, Camilla, ayaa khudbad la sii duubay uga qyeb qaadaneysa macsalaameynta boqoradda.
Raysal wasaaraha New Zealand Jacinda Ardern ayaa xaqiijisay inay la kul mi doonto boqorka, amiirka Wales iyo raysal wasaaraha Britain kahor aaska booqradda, iyo in sidoo kale ay Westminster Hall uga qeyb galeyso munaasabadda aaska.
Iyadoo ku sugan UK, oo ay u timid aaska boqoradda, ayaa Arden waxay sheegtay in dadka reer New Zealand ay ka siddo tacsi.
Waxay sidoo kale sheegtay inay la kulmi doonto raysal wasaaraha Britain Liz Truss.
Waxay intaa raacisay in laga yaabo inay kala xaajooto arrimaha Ukraine iyo heshiiska ganacsiga xorta ah ee UK iyo New Zealand.
Baarlamaanka UK ayaa dhanka kale xaqiijiyay in maxdaxda Shiinaha lagu casuumi doono ka qeyb galka aaska boqoradda.
Safiirka shiinaha ee UK ayaa laga mamnuucay baarlamaanka UK sababo la xiriira cunaqabateyn uu shiinuhu saaray shan xildhibaan oo UK u dhashay.
Iyadoo mamnuuciddaas ay meel taallo ayaa baarlamaanka UK wuxuu sheegay inaysan saameyn doonin saraakiisha kale.
Madaxweynaha shiinaha Xi Jinping ayaa ku jira liiska martida lagu causumay aaska booqradda balse looma maleynayo inuu ka soo qeyb galayo.
Dhammaan dalalka uu xiriirka diblomaaisyadeed kala dhaxeeyo UK ayaa lagu casuumaa munaasabadaha aaska qaran ee dalkaas.
Dhaxal sugaha booqrtooyada Sacuudiga Maxammed Bin Salmaan ayaa isaguna ka mid ah martida lagu casuumay aaska, inkastoo ay cabasho ka timuid kooxaha u dooda xuquuqda aadanaha.
Dhankooda dalalka Suuriya, Venezuela, Afghanistan, Myanmar, Ruushka iyo Belarus ayaan la casuumin- halka Iran, Kuuriyada Waqooyi iyo Nicaragua laga codsaday keliya inay soo diraan diblomaasiyiin sare.
Dhanka kale, kumannaan qof ayaa weli saf u galaya inay daawadaan naxashka boqoradda oo yaalla Westminster Hall.
Shirkadda gaadiidka London ee (TfL) ayaa soo saartay digniin ay dadka uga digeyso inay sii qorsheystaan haddii ay doonayaan inay london u yimaadaan aaska boqorad Elizabeth.
Shrikaddu waxay sheegtay inay u diyaarsan tahay dadka tirada badan ee london u soo safraya, iyadoo sheegtay in munaasabadda aaska ay ka mid tahay munaasabadaha ugu waaweyn ee lagu qabto caasimadda dalkaasi.
