Jilaa caan ka ahaa qaarada Afrika una dhashay dalka ugu dadka badan Afrika ee Nageria ayaa geeriyooday, kaddib xanuun dhinaca wadnaha ah uu muddo sannado badan la daalaa dhacayay jilaagan.
John Okafor oo loo yaqaannay Mr. Ibu ayaa ku geeriyooday isbitaal kuyaalla magaalada Legos ee dalka Nageria, waxaana jilaagan muddo dheer lala tacaalayay xaaladiisa caafimaad oo aad usii xumaaneysay.
Jilaagan geeriyooday ayaa la sheegay in muddo 24-sanno ah la daalaa dhacayay xanuunka wadna xanuunka ah, sannadkii lasoo dhaafay ayaana la sheegay in xaalada jilaagan ay aad uga sii dartay.
Dad badan oo caan ka ah qaarada Afrika ay ku jiraan jilaayaal iyo madax ayaa ka tacsiyadeeyay geerida aktarkan reer Nageria, waxa ayna sheegeen in qaarada Afrika ka baxay nin hal-abuure weyn ahaa aadna loo jeclaa.
