Ciidamada ahlusuna ayaa guulo ka gaaray sida ay sheegeen dagaalkii dib ugu rogaal celinta ahaa ee galabta kusoo qaadeen magalaada guriceel ee gobolka gal gaduud.
Khasaaro iskugu jira dhimasho iyo dhaawac ayaa ka dhashay dagaalkii galabta dib uga qarxay guriceel inkastoo tiro rasmi ah aan la heynin.
Saraakiisha Ahlusuna waxay sheegeen in dib loo riixay ciidamada dawlada iyo kuwa Galmudug oo mar kale gacanta saldhiga iyo xarunta maamulka degmada ay Ahlusuna caawa kusugan tahay.
Saraakiil uu hogaaminayey General Mascuud Maxamed Warsame ayaa gaaray Guriceel si ciidamada uu hogaaminayey uxoojiyaan ciidamada dagaalka ka wajahaya Ahlusuna.
Sawirro lasoo qaaday ayaa la sheegay in gaari uu lahaa General Mascuud gacanta ahlusuna ugalay galabta kadib dagaalkii rogaal celinta ay soo qaadeen.
Wararka waxay sheegayaan in Ahlusuna ay magaalada gaadiid la wareegayaan baabuur cod baahiyeyaal ku xiran yihiin iyagoo bandow soo rogay aan la socon karin.
