Dagaalmayaal katirsan ururka Al-Shabaab ayaa qabsaday dhowr tuulo oo ka tirsan gobolka Sanaag ee waqooyiga Soomaaliya, oo ay sheegtaan maamulka Somaliland.
Tuulooyinka Al-shabaab qabsadeen waxaa ka mid ah Mirici, Masha-Alled iyo Habasha Aw-Cali, oo 10km uun dhinaca galbeed ka xiga magaalo xeebeedka qadiimiga ah ee Lasqoray oo katirsan gobolka Sanaag.
Dhammaan tuulooyinka ayaa horey waxaa gacanta ugu hayey maamulka Somaliland.
Al-shabaab ayaa todobaadyadii ugu dambeeyay dhaqdhaqaaqyyo ciidan ka waday gobolka Sanaag.
Waxaa aad u adag in macluumaad dheeraad ah laga helo tuulooyinka Al-shabaab la wareegayaan sababa la xiriira isgaarsiinta oo adag.
