Sheikh Cabdiraxmaan dheere oo kamid ah Culimada magaalada Hargeisa ayaa si adag uga hadlay dhibaatada ka dhalan karta Bandhig Faneedyadda lagu qabto magaalada hargeisa iyo Fanaaniinta lagu soo dhoweeyo Garoonka Diyaaradaha.
Sheikh Wuxuu Si gaar ah uga hadlay Fanaaniin Maalmihii ugu dambeeyay Bandhig Faneedyo ku qabtay Hargeisa, Wuxuuna baaq u diray Xukuumadda, Waxgaradka iyo Qaybaha kala duwan ee Bulshada, isagoo ku baaqay in wax laga qabto arintaasi oo laga hortago.
“Heesuhu waa wax dhibaato badan, Waxaa inagu soo Badanaya Mudooyinka danbe Hobalada inoo imanaya, ee dhulkoodii soo gubay, ee garoonka lagu soo dhowaynayo, ciday u imaanaya waa inaga , Gabdhaheena iyo Maalkeena, Cida ay Damiirkooda, Dalkooda iyo diintooda duulaanka ku yihiin waa inaga , Hadaan la iska qaban waxaa inoo xiga waa Hallaag”. Ayuu yidhi.
