Madaxweyne ku-xigeenka koowaad ee Jubbaland Maxamuud Sayid Aadan iyo xubnaha Golaha wasiirrada Jubbaland ee ka soo jeeda gobolka Gedo ayaa War ka soo saaray xiisadaha siyaasadeed ee ka soo cusboonaaday gobolka Gedo.
Maxamuud Sayid Aadan oo ka hadlayey shir jaraa’id oo lagu qabtay magaalada Kismayo ayaa wax lala yaabo ku tilmaamay xaalada ka taagan gobolka Gedo, isagoo si dadban u dhaleeceeyey hadal ka soo yeeray Wasiirka amniga gudaha xukuumadda Federaalka Soomaaliya, Maxamed Axmed Shiikh Cali (Doodishe) oo si cad uga hor-yimid maamulka cusub uu Madaxweynaha Jubbaland Axmed Madoobe u magacaabay gobolka Gedo.
“Waxaa la yaab noqotay in xaaladda gobalka Gedo laga abuurto shoqo nolol maalmeed ah taasoo lagu qaldayo jaaliyadaha dibadda islamarkaana lagu jahwareerinayo shacabka Jubbaland” ayuu yiri Madaxweyne ku xigeenka koowaad ee Jubbaland Maxamuud Sayid Adan.
Wasiirka Arrimaha gudaha, fedraalka iyo dib u heshiisiinta Jubbaland Maxamed Ibraahim Oogle ayaa akhriyay War-murtiyeedkii Jubbaland ka soo saartay arrimaha gobalka Gedo kaasoo sidatan u qornaa:-
