Waxaa maanta qarax ismiidaamin ah oo loo adeegsaday gaari waxyaabaha qarxa laga soo buuxiyay lagu weeraray xarunta degmada Wardhiigley, waxaana qaraxan ka dhashay khasaaro isugu jira dhimasho iyo dhaawac.
Qaraxan oo loo adeegsaday gaari waxyaabaha qarxa laga soo buuxiyay ayaa ka yimid aag aan laga fileyn, waxa uuna gaariga ku qarxay albaabka laga galo xarunta Degmada Wardhiigley.
Masuuliyiin katirsan maamulka gobolka Banaadir ayaa sheegay in qaraxan ay ku dhinteen labo qof sidoo kale ay ku dhaawacmeen tiro kale, waxaana dadka qaraxa ku dhaawacmay ku jira Xoghayihii Degmada Wardhiigley Cali Aadan.
Qaraxa ayaa bur bur xoogan gaarsiiyay qeybo badan oo kamid ah xarunta degmada Wardhiigley, waxaana la arkayay xafiisyada maamulka , garoonka salaxa iyo qeybo kale oo xarunta kamid ah oo aad u bur buray.
