Wararka ka imaanaya Gaalkacyo ee xarunta gobolka Mudug ayaa sheegaya in saaka la weeraray xabsiga weyn ee magaalada.
Maleeshiyaad hubaysan oo ka caraysan rag ka tirsan beeshooda oo dhawaan maxkamadda ciidanka Puntland xukuntay ayaa lagu soo warramayaa in ay weerareen xabsiga weyn ee Gaalkacyo.
sida ay wararku xaqiijinayaan ugu yaraan hal ruux ayaa ku dhintay laba kalena waa ku dhaawacmeen iska hor-imaad xooggan oo dhexmaray ciidanka Ilaalada xabsiga Gaalkacyo iyo maleeshiyaadka weerarka soo qaaday.
Wararka ayaa intaasi ku daraya in xabsiga la weeraray ay ku jireen raggii maxkamadda ciidamada Puntland xukuntay oo loo haystay in ay hore Gaalkacyo ugu dileen nin ganacsade ah
Dadka Deegaanka ayaa wariyay inay ku soo tooseen Saaka rasaas xoogan oo la iswedaarsanayo ayna dareemeen cabsi xooggan.
Maamulka Puntland ee magalada Gaalkacyo iyo kan gobolka Mudug ayaa illaa hadda wax war ah ka soo saarin weerarkan
