3da masuul ee ugu sareeya dawladda Faderaalka Soomaaliya ayaa xalay yeeshay kulan qaatay ugu yaraan 3 saacadood oo ay ku yeesheen Aqalka Madaxtooyada ee Soomaaliya, kas oo ay uga wada hadleen arrimaha siyaasadda ee dalka, waxaana diiradda la saaray dhismaha golaha Wasiiradda.
Ra`iisulwasaaraha Soomaaliya Maxamed Xuseen Rooble ayaa la xaqiijinayaa in uu 24 sac gudahood magacaabi doono xubnaha golihiisa wasiiradda, sidaas awgeedna ay ahaayeen Latashiyadii u dambeeyey ee u socday sadexda dhinac.
Madaxweyne Farmaajo ayaa wararku sheegayaan in uu doonayo in aan waxba laga bedelin golaha waqtigan wasaaraddaha oo kaliya qaarkood laga bedelo, ayna shaqada sii wadan, balse tasi waxaa diiday Raysalwasaaraha Soomaaliya oo doonaya in golaha dibu habeyn lagu sameeyo.
Gudoomiyaha baarlamaanka Mursal Sheekh Cabdiraxmaan ayaa xooga saaraya in golaha loogu soo darro xubno cusub, waxaana uu mudooyinkii u dambeeyey ku jiray ole-ole la xariira in wasiiro dhankiisa ah lagu soo daro golahan cusub.
Saacadaha soo socda ayaa lafilayaa magacabida golaha Wasiiradda ee Soomaaliya, waxana mudooyinkii u dambeeyey sii waday shaqooyinka Kusimayaasha wasiiradda, oo magacabida ka dib ay wasiiradda cusub u bahan donan ansixina baarlamanka.
