Waxaa goordhaw soo dhammaaday tirinta codadka wareegii labaad ee doorashada Madaxweynaha maamulka cusub ee Waqooyi Bari, oo doorashadiisa ka socotay magaalada Laascaanood ee xarunta gobolka Sool.
Wareega labaad ee doorashada Madaxweynaha waxaa isugu soo haray Madaxweynihii hore ee maamulka Khaatumo Cabdiqaadir Awcali Firdhiye iyo Cabdirisaaq Khaliif Axmed , kuwaa oo wareegii koobaad helay codadkii ugu badnaa ee doorashada.
Guddiga doorashada , ayaana shaaciyay in doorashada Madaxweynaha maamulka Waqooyi Bari uu ku guuleestay Cabdiqaadir Axmed Awcali Firdhiye, kaa oo helay codad gaaraya 62 cod , halka musharaxa kale ee la tartamayay isna helay codad gaaraya 18 cod.
Madaxweynaha cusub ee maamulka Waqooyi Bari, ayaana waxaa ku guuleestay Cabduqaadir Firdhiye oo horey loo saadaalinayay in uu kursigan kusoo bixi doono, maadaama uu taageero dhinac waliba ka helayay dowladad Federaalka Soomaaliya.
