Guddiga Amniga Doorashooyinka Qaranka ayaa war ay soo saareen kaga hadlayaan goobaha lagu qabanayo Doorashooyinka Golaha Shacabka BJFS, kuwaas oo ku kala yaala Dowlad-goboleedyada dalka, iyagoo sheegay inaan waxba laga bedeli karin goobahaas.
Waraaq kasoo baxday Guddoomiyaha Guddiga Amniga Doorashooyinka ahna Taliyaha Ciidanka Booliska DFS Gen. Cabdi Xasan Xijaar, ayaa si gaar ah u tilmaamay goob 12 goobood ee loo asteeyay doorashada Golaha Shacabka, kuna yaala min labada magaalo ee Dowlad-gobaleedyada uu ku tagay kormeer.
