Kooxda Tottenham aya guul ku soo dhawaysay soo laabashada Jose Mourinho ee premier League kadib markii ay garaaceen kooxda ay jaarka yihiin ee West Ham.
Tottenham ayaa durba u muuqata kuwo soo bandhigay qaab ciyaareed fiican iyaya oo 60% gaadhsiiyay kubada haysashada kana awood badnaa kooxda West Ham.
Daqiiqadii 36-aad ayay kooxda Tottenham dhalisay goolka 1-aad ee ciyaarta iyaga oo uu Son Heung-min u dhaliyay goolkii ugu horeeyay ee Jose Mourinho ee kooxda.
Tottenham ayaa sii waday dadaalka ay ku doonayso goolal iyaga oo qaaday weeraro aan kala joogsi lahayn si ay u sii dheeraystaan hogaanka.
Daqiqiadii 43-aad ayay Tottenham dhalisay goolka 2-aad ee ciyaarta iyaga oo uu u dhaliyay xiddiga Lucas Moura kaas oo ciyaarta ka dhigay 2/0 ay Spurs ku hogaaminayso.
Waxa sidaas ku dhamaatay qaybtii hore ee ciyaarta oo ay Tottenham ku hogaaminayso si qurux badana waliba u ciyaartay.
Qaybtii dambe ee ciyaarta ayay Tottenham si dar-dar leh ku bilaabatay waxana ay daqiqiadii 49-aad dhaliyeen goolka 3-aad ee ciyaarta oo ay Tottenham ku dheeraystay hogaanka.
Laakiin wixii intaaska dambeeyay ayay West Ham ciyaarta qaab fiican soo bandhigtay iyaga oo Tottenham kala wareegay ciyaarta.
Daqiiqadii 73-aad ayay Tottenham dhalisay goolka 1-aad ee ciyaarta iyaga oo uu u dhaliyay Michail Antonio kaas oo ciyaarta ka dhigay 3/1.
Kooxda Westham ayaa sii waday weerarka itaga oo daqiiqadii 90-aad dhaliyay goolka 2-aad ee ciyaarta iyaga oo ka dhigay 3/2.
Waxa sidaas ku dhamaatay ciyaarta oo uu Jose Mourinho u bilowday guul soo laabashada premier League.
