Tababaraha Kooxda Liverpool ee Jurgen Klopp ayaa taageerayaasha Liverpool ka raaliyay kadib markii ay kooxdiisu ka khaaarisay fursadii ay Fasax ku qaadan lahaayeen Austria marka ay u safri doonaan Red Bull Salzburg.
Klopp ayaa doonayay in ay kooxdiisu xaqiiqsato booskooda wareega xiga Kulankii Napoli laakiin waxa ay la galeen bar-baro 1/1 ah taas oo la macno ah in ay u baahanyihiin guul ama bar-baro si ay ugu baxaan wareega xiga marka ay ka hor tagayaan kooxda Red Bull Salzburg.
“Wali wuu furanyahay, Group-ku wali wuu furan yahay”ayuu yidhi. “Waa iska caadi ma ahan xaalad fiican laakiin waa caadi”.
“Waxa aan ogahay Taageerayaasha waxa aan hubaa in ay doonayeen in aan wareega xiga u soo baxno kulanka Napoli si ay Fasax ugu aadaan kulanka Salzburg”.
“Laakiin taasi may dhicin, waan ka xumahay, run ahaantii may dhicin”ayuu hadalkiisa sii raaciyay.
Liverpool ayaa kooxda Salzburg booqan doonta 10 bisha December maalmo ka hor inta ayna u safrin dalka Qatar oo ay kaga qayb gali doonaan tartanka Club World Cup-ka.
