Ra’isul Wasaaraha Xukuumada Soomaaliya Xasan Cali Kheyre iyo wafdi uu hogaaminayo oo safar dhinaca dhulka ah uga soo ambo baxay magaalada Dhuuso Mareeb ayaa goordhaw gaaray magaalada Cadaado.
Wafdiga Ra’isul Wasaare Kheyre waxaa si heer sare ah magaalada Cadaado ugu soo dhaweeyay Xildhibaano katirsan labada aqal ee Baarlamaanka Federaalka, masuuliyiin katirsan maamulka Galmudug iyo dadweyne aad u badan.
Ra’isul Wasaare Kheyre ayaa u tagay Cadaado xal u helida xiisada ka taagan maamulka Galmudug gaar ahaan dhinaca doorashooyinka, waxaana la filayaa in uu la kulmo Madaxweynaha Galmudug Xaaf iyo Xildhibaanada labada aqal iyo waxgaradka Cadaado.
Magaalada Cadaado waxaa xiligan ku sugan Madaxweynaha Galmudug Xaaf , Xildhibaano katirsan labada Aqal gaar ahaan kuwa u badan mucaaradka dowlada , waxaana la filayaa in magaalada Cadaado ka dhacaan kulamo siyaasadeed oo xasaasi ah.
