Madaxweynaha maamulka Koonfur Galbeed Soomaaliya Cabdicasiis Xasan Maxamed Lafta Gareen iyo wafdi uu hogaaminayo ayaa goordhaw gaaray magaalada Dhuusomareen ee caasimada Galmudug.
Wafdiga Lafta Gareen hogaaminayay waxaa garoonka diyaaradaha magaalada Dhuusomareeb kusoo dhaweeyay Madaxweynaha Maamulka Galmudug, Xildhibaano katirsan labada aqal ee Baarlamaanka Federaalka iyo masuuliyiin kale.
Madaxweyne Lafta Gareen ayaa loo galbiyay xarunta Madaxtooyada maamulka Galmudug oo la filayo in maanta galinka dambe ka furmo shirka Madaxda maamul goboleedyada isugu imaanayaan.
Saacadaha soo aadan ayaa sidoo kale la filayaa in magaalada Dhuusomareeb gaaraan Madaxweynayaasha maamulka Jubbaland iyo Puntland, halka uu horey Galmudug shaay u gaaray Madaxweynaha Hirshabelle.
