Madaxweynaha maamulka Somaliland, Mudane Muuse Biixi Cabdi ayaa wareegto madaxweyne uu maanta ka soo saaray soo-jeedinta Odayaasha Dhaqanka ee Arrimaha Doorashooyinka .
Wareegtada uu soo saaray madaxweyne Muuse Biixi ayuu ku aqbalay soojeedintii Odayaasha dhaqanka Somaliland , waxa uuna golayaasha guurtida iyo wakiiladda ka codsaday in la is waafajiyo soojeedinta odayaasha iyo shuruucda doorashooyinka.
Waxaanay u dhignayd Wareegtada Madaxweynuhu Sidan:-
Ku: Shir-guddoonka Golaha Guurtida JSL
Ku: Shir-guddoonka Golaha Wakiillada JSL
Og: Komishanka Doorashooyinka Qaranka
Ujeeddo: Soo-jeedinta Odayaasha Dhaqanka ee Arrimaha Doorashooyinka
Mudaneyaal,
Waxaannu idinla socodsiinaynaa in xukuumaddu aqbashay soo-jeedintii Odayaasha Dhaqanka ee Dhex-dhexaadinta isu xil-qaamay, anaga oo tix-gelinnay wada-tashiga guud iyo xaaladaha guud ee dalka.
Sidaa darteed, si doorashooyinku inoogu hir-galaan waxaannu ka codsanaynaa Golaha Baarlamaanka (Guurtida iyo Wakiillada) in ay waafajiyaan soo-jeedinta Odayaasha Dhaqanka Shuruucda iyo Xeerarka Doorashooyinka ee Dalka.
ALLAA MAHAD LEH
Muuse Biixi Cabdi
Madaxweynaha Jamhuuriyadda Somaliland.
