Qeybta Af-Ingiriiska ee Bogga madaxtooyada Soomaaliya (villasomalia.gov.so/en/) ayaa laga saaray sawirro fadeexad dhaliyey oo ku soo baxay qeybta sare kuwaasoo la xiriiray qorshihii Madaxweyne Farmaajo uu doorashada ku galay.
Muuqaalka fadeexadda abuuray ee warbaahinta qaarkeedna shaacisay ayaa ahaa sawirka Farmaajo oo lagu dhinac qoray qorshe ka kooban afar qodob oo uu leeyahay madaxweynaha Kenya Uhuru Kenyatta, iyadoo si toos ah looga soo min-guuriyey bogga internetka ee Madaxtooyada Kenya.
Qeybtan oo muddo dheer dib u habeyn lagu waday intii uu talada qabtay madaxweyne Farmaajo, isla markaana aan wax weyn laga qaban ayaa hore looga saaray waxqabadkii madaxdii ka horeysay Farmaajo
Qeybta Warfaafinta Madaxtooyada Soomaaliya oo website-ka Villa Somalia ayaa waxay arintan ku tahay weji gabax iyo meel ka dhac hab maamuuskii madaxtooyada dalka.
.Sawirka Madaxweyne Farmaajo ayaa lagu dul qoray afar qodob oo laga soo amaahday qorshhihii uu doorashada ku galay madaxweynaha Kenya Uhuru Kenyatta, iyadoo laga dhigayo qorshe uu leeyahay Farmaajo.
Madaxweynaha Kenya ayaa ololaha doorashadiisa ku galay afar tiir oo waaweyn “The Big Four”, kuwaasoo kala ahaa: Isku filnaashaha Cuntada, Guryo jaban, Wax soo saar iyo daryeel Caafimaad oo loo dhan yahay.
Afartaas qodob ayaan Soomaaliya ka jirin xilligan lamana oga sababta ku kaliftay shaqaalaha qeybta Warfaafinta ee Villa Somalia iney sawirka Madaxweynaha saaraan halku dheg uu doorashada ku galay madaxaweyne kale.
HALKAN KA EEG MEESHA LAGA SOOXADAY FIKIRKA
