Xiddiga khadka dhexe ee kooxda Man United ee Paul Pogba ayaa beeniyay wararka sheegaya in uu been ka sheegayo dhaawaca uu qabo si uu kooxda Man United ugu qasbo in ay iibiso suuqa January.
Xiddiga khadka dhexe ayaa bogiisa Instagram soo dhigay sawiro muujinaya in uu dhab yahay dhaawaca uu la dhibaatoonayo xilli ciyaareedkan si uu u beeniyo wararka maalmihii ugu dambeeyay sheegaya in uu xiddigu been ka sheegayo dhaawaca si uu ugu qasbo kooxda in ay iibiso.
Idaacada reer Spain COPE ayaa sheegtay in Paul Pogba oo garoomada ka maqnaa tan ilaa 30 bishii Septmeber uu beeninayo dhaawaca uu qabo isaga oo aan doonayn in uu mar kale u ciyaaro kooxda kuna qasbo kooxdana in uu ku biiro Real Madrid.
Waxa sidoo kale la sheegayay in ay Man United qarinayso runtaas oo uu xiddigu ka dalbaday in uuna doonayn in uu u ciyaaro kooxda mar kale.
Waxa sidoo kale la sheegay in tababare Ole Gunnar Soslkjaer uu ka warqabo in ay kooxdu iska iibin doonto xiddiga marka la gaadho suuqa January ee bilowga sanadka cusub.
Pogba ayaa soo dhigay baraha bulshada sawir lugtiisa ay ku duubantahay wax madaw iyo waliba bac ku sii duuban lugtiisa dhanka kuraanta.
Xiddiga ayaa sii raaciyay qoraal ah”Dhawaan Insha Allah”
Sii Akhriso: Waa Maxay Dhiirrigelinta & Sababaha Kulanka Sariirtu?
