Madaxweynaha Galmudug Axmed Cabdi Kaariye & Gudoomiyaha Barlamaanka maamulkaasi Dr Maxamed Nuur Gacal ayaa isku khilaafay hanaanka soo xulista Xildhibaanada Aqalka sare ee Deegaannada Galnudug laga soo dooran doono.
Madaxweyne Axmed Cabdi Kaariye Qoorqoor iyo Dr Maxamed Nuur Gacal ayaa waxaa mid walba doonayaa soo saarista shaqsiyaad ay siyaasad ahaan isku dhow yihiin taasi oo sababtay inay isku mari waayaan cidda ka tartami doonta barlamaanka Galmudug si loo kala saaro.
Xog hoose oo warbaahintu heshay ayaa sheegaysa in guddoomiye Gacal iyo xildhibaano reer Galmudug ah ay isku aragti ku noqdeen in aqalka sare tartankiisu noqdo mid furan isla markaana aan loo xirin cid gaar ah halka madaxweynuhu doonayo in shaqsiyaad gaar ah loo asteeyo inay ku matalaan Galmudug Aqalka sare.
Deegaamada Galmudug ayaa waxxaa ka imaan doona 8 xubnood oo katirsan xildhibaanada aqalka sare ee barlamaanka Jamhuuriyadda Soomaaliya, waxaana inta badan markale u taagan xubno katirsan aqalkii 1aad ee mudadu ka dhammaatay.
