Xiddiga garabka uga ciyaara kooxda Man City ee Raheem Sterling ayaa lagu soo waramayaa in uu hal shardi ku xidhay in uu heshiis cusub u saxiixo kooxda sida ay sheegayaan wararku.
Man City ayaa doonaysa in ay heshiis cusub ka saxiixato xiddiga reer England si ay meesha uga saarto xiisaha kooxda Real Madrid kuwaas oo doonaya adeegiisa xiisana u muujiyay wakhtigii ugu dambeeyay.
Lakiin Raheem Sterling ayaa lagu soo waramayaa in uu maamulka kooxdiisa waydiistay in uu ogaado in uu Pep Guardiola kooxda tababare ka sii ahaan doono muddo dheer ka hor inta uuna qalinak ku duugin heshiis cusub.
Sterling oo uu heshiiskiisu dhici doono xagaaga 2023 ayaa ilaa haatan diidan in uu qalinka ku duugo heshiis cusub oo uu todobaadkii ku qaadan doono 450 kun oo Gini todobaadkii.
Waxa jira warar sheegaya in uu tababare Pep Guardiola isaga caraabi doono kooxda Man City xagaaga dambe ama xagaaga 2021 marka uu dhamaado heshiiskiisa.
Wargayska The Sun ayaa sheegaya in uuna Sterling saxiixi doonin heshiis cusub ilaa uu ka helo balan qaad ah in uu tababare Pep Guardiola sii joogi doono kooxda.
