Golaha Wadatashiga Qaran ee Soomaaliya ayaa shir muhiim ah ku yeeshay xarunta Villa Somalia ee magaalada Muqdisho, kaasoo ay isugu yimaadeen madaxda federaalka iyo wakiilo ka kala socday dhowr dowladood oo xubno ka ah dowladda Federaalka. Kulanka oo uu shir guddoominayay Madaxweyne Xasan Sheekh Maxamuud ayaa waxaa ka qeyb galay madaxda Galmudug, Hirshabelle, Koonfur Galbeed, SSC-Khaatumo iyo Maamulka Gobolka Banaadir. Waxaa xusid mudan in ay ka maqnaayeen madaxweynayaasha Puntland iyo Jubbaland, taasoo ka tarjumaysa xiisadda siyaasadeed ee kala dhexeysa dowladda federaalka.
Golaha Wadatashiga Qaran ee Soomaaliya ayaa shir muhiim ah ku yeeshay xarunta Villa Somalia ee magaalada Muqdisho, kaasoo ay isugu yimaadeen madaxda federaalka iyo wakiilo ka kala socday dhowr dowladood oo xubno ka ah dowladda Federaalka. Kulanka oo uu shir guddoominayay Madaxweyne Xasan Sheekh Maxamuud ayaa waxaa ka qeyb galay madaxda Galmudug, Hirshabelle, Koonfur Galbeed, SSC-Khaatumo iyo Maamulka Gobolka Banaadir. Waxaa xusid mudan in ay ka maqnaayeen madaxweynayaasha Puntland iyo Jubbaland, taasoo ka tarjumaysa xiisadda siyaasadeed ee kala dhexeysa dowladda federaalka.
Kulanka NCC ayaa diiradda lagu saaray arrimaha muhiimka ah ee qaranka, gaar ahaan caqabadaha amniga iyo qorshaha doorashada 2026-ka. Kulanka ayaa looga hadlay sidii loo dar dar gelin lahaa dagaalka ka dhanka ah Al-Shabaab, gaar ahaan gobolada Shabeelooyinka oo muddooyinkii dambe Shabaab ay kordhiyeen dhaq dhaqaaqooda. Golaha ayaa sidoo kale ka hadlay hirgelinta doorasho hal qof iyo hal cod ah oo hadda ka socota qeybo ka mid ah gobolka Banaadir.
Maqnaanshaha madaxda Puntland iyo Jubbaland ayaa hoosta ka xariiqaysa cakiran ee hannaanka federaalka Soomaaliya. Labada dawladoodba waxay muujiyeen dareen diidmo ah oo ku saabsan habka ay dawladda federaalku u wajaheyso dib-u-habaynta dastuurka iyo hannaanka doorashooyinka. Ka-qaybgal la’aantoodu waxay muujinaysaa baahida loo qabo wadahadal loo dhan yahay si loo gaaro talo qaran.
Iyadoo Soomaaliya ay ku guda jirto caqabadahaas, ayaa la filayaa in natiijada shirka NCC ay door muhiim ah ka ciyaarto qaabeynta tubta dalka ee xasilloonida iyo dowladnimada dimoqraadiga ah. Beesha caalamku waxay si dhow ula socotaa horumarrada, iyadoo xoogga saaraysa muhiimadda ay leedahay midnimada iyo wada-shaqeynta daneeyayaasha siyaasadda Soomaaliya.
