qoraal ah oo ka soo baxay Hay’adda Isgaarsiinta Qaranka Soomaaliya ayaa waxaa Shirkadaha Isgaarsiinta dalka ka jira lagu amray inay isku furaan khadadkooda Teleefanada si dadka ay ugu fududaato xiriirka bulshada.
Qoraalkaan ayaa lagu sheegay in loo baahan yahay wadashaqayn dhexmarta isgaarsiinta dalka
Iyada oo la dhaqan-gelinayo qodobka 49aad ee xeerka Isgaarsiinta Qaranka iyo iyo xeer-nidaamiyaha isku-xirka (interconnection regulation) ee faraya shirkadaha isgaarsiinta inay isku furaan khadadkooda (interconnection) maadaama ay tahay dan guud oo waajib ku ah dhammaan shirkadaha isgaarsiinta dalka ayaa waxaa shirkadaha haysta rukhsadda isgaarsiineed ee Hay’adda Isgaarsiinta Qaranka la faray in ay billaabaan hannaankii ay isugu xirmi lahaayeen.
Muddadda wada-xaajoodka oo ka bilaabanaysa 10ka Abriil 2019, kuna eg 10-ka August 2019 ayaa waxa ay Shirkadaha ka wada-xaajoon doonaan arrimaha khuseeya isku-xirka sida dhaqaalaha iyo farsamada, sida ay dhigayaan qodobada 50, 51, 52, 53 ee Xeerka Isgaarsiinta Qaranka iyo Xeer-nidaamiyaha isku-xirka ee dhowaan la anisixiyey.
Waxa aan rajeyneynaa in shirkaduhu tixgelin doonaan hadafka laga leeyahay arrintan oo ah dan guud sida uu dhigayo sharciga, kuna soo gabagabeyn doonaan wada-xaajoodkooda waqtiga loogu talo galay” aayaa lagu yiri qoraalka wasaraada.
Waxaa kala xiran oo aan is wici karin qaar kamid ah shirkadaha isgaarsiinta ee ka jira dalka Soomaaliya.
